Автор работы: Пользователь скрыл имя, 22 Ноября 2011 в 22:11, реферат
Өздеріңізге белгілі 1941 ж. 22- маусым күні таңғы сағат 4–те бейбіт жатқан елімізге Германия тұтқиылдан соғыс ашты. Суық хабар сол күні байтақ елімізге, жер–жердегі ауыл-селоға тарады. Ер –азаматтар асығыс соғысқа аттанды. Кейбірі өздері сұранып кетті.Қасиетті жеріміз,бейбіт жатқан еліміз құлақ естіп, көз көрмеген апатқа ұшырады. Еліміздің жауынгерлері қасық қаны, шыбындай жаны қалғанша шайқасты. Жеңіс жеңілдікпен келген жоқ. 50 млн адамның өмірін жалмады. Міне, осынау елімізге лаң салған алапаттың жеңіспен аяқталғанына биыл 63 жыл толып отыр. Ешкім де ешқашан да ұмытылмақ емес. Осы қан майданда мерт болған ерлердің рухына бүгін арамызда асқар таудай болып жүрген аталарымызға басымызды иіп, тағзым етейік.Олардың ерлік істерін ешкім де, ешқашан да ұмытпауы тиіс.